ഒമർ ലുലു സംവിധാനം ചെയ്ത് ഇർഷാദ് നായകനായ നല്ല സമയം എന്ന ചിത്രം തിയേറ്ററിൽ നിന്നും പിൻവലിച്ചു. സംവിധായകൻ തന്നെയാണ് ഇക്കാര്യം സ്ഥിരീകരിച്ചത്. നല്ല സമയം തീയേറ്ററിൽ നിന്ന് ഞങ്ങൾ പിൻവലിക്കുന്നു. ഇനി ബാക്കി കാര്യങ്ങൾ കോടതി വിധി അനുസരിച്ച് എന്നാണ് ഒമർ ലുലു അറിയിച്ചത്.
നല്ല സമയം എന്ന സിനിമയുടെ ട്രെയിലറിൽ എംഡിഎംഎയുടെ ഉപയോഗം പ്രോത്സാഹിപ്പിക്കുന്നു എന്ന് കാണിച്ച് എക്സൈസ് വകുപ്പ് കേസ് എടുത്തിരുന്നു. ഇതിന് പിന്നാലെയാണ് ചിത്രത്തിന്‍റെ പ്രദർശനം പിൻവലിച്ചിരിക്കുന്നത്.
ഭീഷ്മപർവത്തിലും ലൂസിഫറിലും എംഡിഎംഎ കാണിക്കുന്നുണ്ടെന്നും അവർക്കെതിരെ എന്തുകൊണ്ട് കേസ് എടുത്തില്ലെന്നും തന്നെ മാത്രം മനപൂർവം ടാർഗറ്റ് ചെയ്യുകയാണെന്നും സംവിധായകൻ കഴിഞ്ഞ ദിവസം വെളിപ്പെടുത്തിയിരുന്നു.
