പുതുവത്സര ദിനത്തിൽ പ്രഖ്യാപിച്ച പൃഥ്വിരാജ്-ബേസിൽ ജോസഫ് ചിത്രം ഗുരുവായൂരന്പല നടയിൽ എന്ന ചിത്രത്തിന് ഭീഷണിയുമായി രാജ്യാന്തര വിശ്വഹിന്ദു പരിഷത്ത് മുൻ നേതാവ് പ്രതീഷ് വിശ്വനാഥ്.
ഗുരുവായൂരപ്പന്റെ പേരിൽ എന്തെങ്കിലും കാണിച്ചു കൂട്ടാനാണെങ്കിൽ രാജുമോൻ വാരിയം കുന്നനെ ഒന്നോർത്താൽ മതിയെന്നും സിനിമക്കാർക്ക് ദിശ ബോധം ഉണ്ടാക്കാൻ ഉണ്ണി മുകുന്ദന് കഴിഞ്ഞുവെന്നും പ്രതീഷ് സമൂഹമാധ്യമത്തിൽ പ്രതീഷ് കുറിച്ചു.
മലയാള സിനിമാക്കാർക്ക് ദിശ ബോധം ഉണ്ടാക്കാൻ ഉണ്ണിമുകുന്ദന് കഴിയുന്നുണ്ട് എന്ന് വ്യക്തമായി. എന്നാൽ ഗുരുവായൂരപ്പന്റെ പേരിൽ വികലമായി എന്തെങ്കിലും കാണിച്ചു കൂട്ടാനാണെങ്കിൽ രാജുമോൻ അനൗൺസ് ചെയ്ത സ്വന്തം വാരിയം കുന്നനെ ഒന്നോർത്താൽ മതി. ജയ് ശ്രീകൃഷ്ണ.
ജയ ജയ ജയ ജയ ഹേ എന്ന ഹിറ്റ് ചിത്രത്തിന് ശേഷം വിപിൻ ദാസ് സംവിധാനം ചെയ്യുന്ന പുതിയ ചിത്രമാണ് ഗുരുവായരൂന്പല നടയിൽ. കുഞ്ഞിരാമായണത്തിന് ശേഷം ദീപു പ്രദീപാണ് ചിത്രത്തിന്റെ രചന നിർവഹിക്കുന്നത്.