പുതുവത്സര ആശംസകൾ നേർന്ന് നടി ശാലിനി. അജിത്തിനും മക്കൾക്കുമൊപ്പമുള്ള ചിത്രങ്ങൾ പങ്കു വച്ചാണ് താരം ആശംസകൾ പങ്കുവച്ചത്. മകൾ അനൗഷ്കക്കൊപ്പം സ്റ്റെലിഷ് ലുക്കിൽ പോസ് ചെയ്യുന്ന ശാലിനിയെ ചിത്രത്തിൽ കാണാം. മകൻ അദ്വൈതിനൊപ്പമുള്ള ചിത്രവും താരം പങ്കുവച്ചിട്ടുണ്ട്.
ഈ അടുത്താണ് ശാലിനി ഇൻസ്റ്റഗ്രാമിൽ സജീവമാകുന്നത്. താരത്തിന്റെ ഓരോ ചിത്രത്തിനായും ആരാധകർ ആകാംഷയോടെയാണ് കാത്തിരിക്കുന്നത്. അജിത്തുമായുള്ള വിവാഹശേഷം സിനിമാലോകത്തുനിന്ന് ഇടവേളയെടുത്ത നടി സമൂഹമാധ്യമങ്ങളിലൊന്നും തന്നെ സജീവമായിരുന്നില്ല.
മലയാളികൾക്ക് ഏറെ പ്രിയപ്പെട്ട ബേബി ശാലിനിയായി സിനിമയിലേക്ക് കടന്നു വന്ന താരം വിവാഹശേഷം സിനിമാ തിരക്കുകളിൽ നിന്നൊക്കെ മാറി നിന്നു. ശാലിനിയുടെ അനുജത്തിയും നടിയുമായ ശ്യാമിലി സമൂഹമാധ്യമങ്ങളിൽ പങ്കുവയ്ക്കുന്ന ചിത്രങ്ങളിലൂടെയായിരുന്നു ആരാധകർ താര കുടുംബത്തിന്റെ വിശേഷങ്ങൾ അറിഞ്ഞിരുന്നത്.