അപ്പു പാത്തു പ്രൊഡക്ഷൻ ഹൗസും മാർട്ടിൻ പ്രക്കാട്ട് ഫിലിംസും ചേർന്ന് നിർമിക്കുന്ന പുതിയ ചിത്രം ജനുവരിയിൽ തിയറ്ററിലെത്തും. ഇരട്ട എന്നാണ് ചിത്രത്തിന്റെ പേര്. ജോജു ജോർജ് തന്നെയാണ് ചിത്രത്തിലെ നായകനും.
രോഹിത് എം.ജി. കൃഷ്ണനാണ് ഇരട്ടയുടെ സംവിധാനം നിർവഹിക്കുന്നത്. അഞ്ജലി, സ്രിന്ധ, ആര്യാ സലിം, ശ്രീകാന്ത് മുരളി, സാബുമോൻ, അഭിരാം എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
സമീർ താഹിറിന്റെയും, ഷൈജു ഖാലിദിന്റെയും ഗിരീഷ് ഗംഗാധരന്റെയും കൂടെ ഛായാഗ്രഹണ മേഖലയിൽ പ്രവർത്തിച്ച വിജയ് ആണ് ഇരട്ടയുടെ ഛായാഗ്രഹണം. ജേക്സ് ബിജോയാണ് സംഗീത സംവിധാനം. എഡിറ്റിംഗ്, മനു ആന്റണി.