കമൽഹാസന്‍റെ അടുത്തേക്ക് ഓടിയെത്തുന്ന ഒരു കുരുന്ന്. മറ്റൊന്നും നോക്കാതെ ആ കുരുന്നിനെ മാറോട് ചേർത്തു നിർത്തുന്ന കമലഹാസൻ. വൈറലായ വീഡിയോയിലെ കുരുന്ന് പത്തനംതിട്ട ജില്ലാ കളക്ടർ ദിവ്യ എസ്.അയ്യരുടെയും കോൺഗ്രസ് നേതാവ് ശബരീനാഥിന്‍റെയും മകൻ മൽഹാർ ആണ്.
തിരുവല്ലയിൽ നടന്ന എം.ജി.സോമൻ ഫൗ ണ്ടേഷൻ ഉദ്ഘാടനത്തിനെത്തിയതായിരുന്നു കമൽഹാസൻ. വെറുതെയാണോ കമലഹാസന് കാന്തശക്തിയും മാസ്മരികതയുമുണ്ടെന്ന് എല്ലാവരും പറയുന്നതെന്നാണ് സമൂഹമാധ്യമത്തിൽ പങ്കുവച്ച കുറിപ്പിൽ ശബരിനാഥ് പറയുന്നത്.
വെറുതെയാണോ കമലഹാസന് കാന്തശക്തിയും മാസ്മരികതയുമുണ്ടെന്ന് എല്ലാവരും പറയുന്നത്. അനശ്വരനടനായ എം.ജി. സോമന്‍റെ പേരിലുള്ള ഫൗണ്ടേഷന്‍റെ ഉദ്ഘാടനത്തിന് തിരുവല്ലയിൽ അദ്ദേഹം എത്തിയിരുന്നു.
ചടങ്ങിൽ ഒരു പ്രേക്ഷകനായി എത്തിയ മൽഹാർ അദ്ദേഹം ആരാണെന്ന് പോലും അറിയാതെ അരികിൽ എത്തിയപ്പോൾ കുഞ്ഞിനെ സ്നേഹത്തോടെ കമൽ ചേർത്തുനിർത്തി. എന്നിട്ട് രണ്ടുപേരും കിടിലം കമ്പനി. What a man!
