ഷാരുഖും ഖാനും ദീപിക പാദുക്കോണും പ്രധാന വേഷത്തിലെത്തുന്ന പത്താൻ എന്ന ചിത്രത്തിലെ ഗാനം കഴിഞ്ഞ ദിവസം പുറത്തിറങ്ങിയിരുന്നു. ചിത്രത്തിനെ ആരാധകർ ഏറ്റെടുക്കുകയും ചെയ്തു. എന്നാൽ ചിത്രത്തിനെതിരെ ബോയ്കോട്ട് പത്താൻ എന്ന പേരിൽ പ്രതിഷേധം കത്തുകയാണ്.
വീർ ശിവജി എന്ന സംഘടനയിലെ അംഗങ്ങളാണ് താരങ്ങളുടെ കോലം കത്തിച്ച് പ്രതിഷേധിച്ചത്. ഗാനം ഹിന്ദുക്കളുടെ വികാരം വ്രണപ്പെടുത്തിയെന്നും സിനിമ റിലീസ് ചെയ്യരുതെന്നും ഇവർ ആവശ്യപെടുന്നു.
ബേഷ്റം റംഗ് എന്ന തുടങ്ങുന്ന ഗാനത്തിൽ ദീപിക ധരിച്ചിരിക്കുന്ന ബിക്കിനിയുടെ നിറമാണ് പ്രതിഷേധത്തിനു കാരണം. ഗാനത്തിൽ ദീപികയുടെ വസ്ത്രധാരണം പ്രതിഷേധാർഹമാണെന്നും ഗാനം ചിത്രീകരിച്ചത് മലിനമായ മാനസികാവസ്ഥയിൽ നിന്നാണെന്നും മധ്യപ്രദേശ് ആഭ്യന്തര മന്ത്രി നരോത്തം മിശ്ര പ്രതികരിച്ചിരുന്നു.
ഒരു സ്പാനിഷ് ബീച്ചിലാണ് ഗാനം ചിത്രീകരിച്ചത്. വിദേശനര്ത്തകരും ഗാനരംഗത്തില് ഉണ്ട്. വൈഭവി മെര്ചന്റ് ആണ് കോറിയോഗ്രഫി ചെയ്തത്. സിദ്ധാര്ഥ് ആനന്ദ് സംവിധാനം ചെയ്ത ചിത്രം അടുത്തവര്ഷം ജനുവരി 25ന് പ്രേക്ഷകരിലേക്കെത്തും. ഹിന്ദി കൂടാതെ തമിഴിലും തെലുങ്കിലും ചിത്രം പ്രദര്ശനത്തിനെത്തുന്നുണ്ട്.
ദീപികയ്ക്കും ഷാറുഖിനുമൊപ്പം ജോൺ എബ്രഹാമും മുഖ്യവേഷത്തിലെത്തുന്ന ചിത്രമാണ് ‘പത്താന്’. ഹൃതിക് റോഷന്റെ സൂപ്പർഹിറ്റ് ചിത്രം ‘വാറി’നു ശേഷം സിദ്ധാർഥ് സംവിധാനം ചെയ്യുന്ന ചിത്രമാണിത്. യഷ് രാജ് ഫിലിംസ് ചിത്രം നിർമിക്കുന്നു.