അനു സിത്താര, അനീഷ് ജി. മേനോന്, ജോണി ആന്‍റണി എന്നിവരെ പ്രധാന കഥാപാത്രങ്ങളാക്കി ഒരുക്കിയ മോമോ ഇന്‍ ദുബായ് എന്ന ചിത്രം പ്രദർശനത്തിനൊരുങ്ങുന്നു. കുടുംബപശ്ചാത്തലത്തിൽ ഒരുങ്ങുന്ന ചിത്രം സംവിധാനം ചെയ്തിരിക്കുന്നത് നവാഗതനായ അമീന്‍ അസ്‌ലമാണ്.
സുഡാനി ഫ്രം നൈജീരിയ, ഹലാൽ ലൗ സ്റ്റോറി എന്ന ചിത്രത്തിനു ശേഷം സക്കറിയായും, ആയിഷ എന്ന ചിത്രത്തിന് ശേഷം ആഷിഫ് കക്കോടിയുടെയും ചേർന്നാണ് ചിത്രത്തിന്‍റെ തിരക്കഥയും സംഭാഷണവും ഒരുക്കുന്നത്.
ഇമാജിൻ സിനിമാസ്, ക്രോസ് ബോര്‍ഡർ ക്യാമറ, ബിയോണ്ട് സ്റ്റുഡിയോസ് എന്നിവയുടെ ബാനറില്‍ സക്കറിയ, ഹാരിസ് ദേശം, പി.ബി. അനീഷ്, നഹല അൽ ഫഹദ് എന്നിവര്‍ ചേര്‍ന്നാണ് 'മോമോ ഇന്‍ ദുബായ്' നിര്‍മ്മിക്കുന്നത്.
ചിത്രത്തിന്‍റെ ഛായാഗ്രഹണം സജിത് പുരുഷു. എഡിറ്റര്‍-രതീഷ് രാജ്. ബി.കെ. ഹരിനാരായണൻ, ഡോ. ഹിഖ്മത്തുള്ള, അമീൻ കാരക്കുന്ന് എന്നിവരുടെ വരികള്‍ക്ക് ജാസി ഗിഫ്റ്റ്, ഗഫൂര്‍.എം. ഖയാം, യാക്സൻ ആൻഡ് നേഹ എന്നിവര്‍ സംഗീതം പകരുന്നു.
