50-ാം പിറന്നാൾ ആഘോഷമാക്കി നടി സുകന്യ. ലണ്ടനിൽ കുടുംബാംഗങ്ങൾക്കും സുഹൃത്തുക്കൾക്കുമൊപ്പമായിരുന്നു താരത്തിന്റെ ജന്മദിനാഘോഷം. നിരവധി മലയാള ചിത്രങ്ങളിലൂടെ പ്രേക്ഷകരുടെ ഹൃദയം കീഴടക്കിയ നടിയാണ് സുകന്യ.
താരം അഭിനയിച്ച വിവിധ സിനിമകളിലെ ഫോട്ടോകളും പോസ്റ്ററുകളും ചേർത്താണ് കേക്ക് നിർമിച്ചത്. മൂന്ന് തട്ടുകളിലായി ഒരുക്കിയ കേക്കാണ് നടി മുറിച്ചത്.
SUKANYA 25.11.2022
— sukanya (@SukanyaActor) November 26, 2022
50th Milestone Birthday pic.twitter.com/maGjXZBTCz
25.11.2022 ന് എന്റെ ജീവിതത്തിലെ നാഴികക്കല്ലായ 50-ാം ജന്മദിനം ലണ്ടനിലെ പ്രിയ സുഹൃത്തുക്കൾക്കും കുടുംബാംഗങ്ങൾക്കും ഒപ്പം ആഘോഷിക്കാൻ സാധിച്ചത് സന്തോഷകരമാണ്. എന്നെ സ്നേഹിക്കുന്നവരിൽനിന്നു കിട്ടുന്ന അംഗീകാരത്തിനും പരിഗണനയ്ക്കും ഏറെ നന്ദി. സുകന്യ കുറിച്ചു. താരം തന്നെയാണ് ചിത്രങ്ങൾ പങ്കുവച്ചത്.
What an honour and a pleasure it was to have celebrated my milestone 50th birthday on 25.11.2022 with dear friends and family in London. Grateful for the abundance of love from well wishers 💝 pic.twitter.com/FFWywfFPHl
— sukanya (@SukanyaActor) November 26, 2022
1989-ൽ പുറത്തിറങ്ങിയ തമിഴ് ചിത്രം ഈശ്വർ ആണ് സുകന്യയുടെ ആദ്യ ചിത്രം. 1994ൽ പുറത്തിറങ്ങിയ സാഗരം സാക്ഷി എന്ന ചിത്രത്തിലൂടെയായിരുന്നു സുകന്യ മലയാളത്തിൽ അരങ്ങേറ്റം കുറിച്ചത്. തൂവൽ കൊട്ടാരം, കാണാക്കിനാവ്, ചന്ദ്രലേഖ, രക്തസാക്ഷികൾ സിന്ദാബാദ് തുടങ്ങിയവയാണ് പ്രധാന മലയാള സിനിമകള്.