മമ്മൂട്ടി-ജ്യോതിക എന്നിവരെ കേന്ദ്ര കഥാപാത്രങ്ങളാക്കി ജിയോ ബേബി സംവിധാനം ചെയ്യുന്ന കാതലിന്റെ ചിത്രീകരണം പൂർത്തിയായി. 34 ദിവസംകൊണ്ടാണ് സിനിമയുടെ ചിത്രീകരണം അണിയറ പ്രവർത്തകർ പൂർത്തിയാക്കിയത്.
ഇതിനു മുൻപ് രഞ്ജിത് ചിത്രം പ്രാഞ്ചിയേട്ടൻ ആൻഡ് ദ സെയിന്റാണ് വേഗത്തിൽ ചിത്രീകരണം പൂർത്തിയാക്കിയ സിനിമ. 30 ദിവസമായിരുന്നു ചിത്രത്തിന്റെ ഷൂട്ടിംഗ്. മമ്മൂട്ടിക്കമ്പനിയുടെ ബാനറിൽ മമ്മൂട്ടി തന്നെയാണ് ചിത്രം നിർമിക്കുന്നത്.
ചിത്രത്തിൽ മാത്യു ദേവസി എന്ന കഥാപാത്രമായി മമ്മൂട്ടി എത്തുന്നു. ലാലു അലക്സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്ശ് സുകുമാരന് തുടങ്ങിയവരാണു മറ്റ് പ്രധാന അഭിനേതാക്കള്.
തിരക്കഥ: ആദര്ശ് സുകുമാരന്, പോള്സണ് സ്കറിയ. ഛായാഗ്രഹണം: സാലു കെ.തോമസ്, എഡിറ്റിംഗ്: ഫ്രാന്സിസ് ലൂയിസ്, സംഗീതം: മാത്യൂസ് പുളിക്കൻ.