നടനും കരിക്ക് വെബ് സീരിസിലൂടെ ശ്രദ്ധേയനുമായ അർജുൻ രത്തൻ വിവാഹിതനായി. വടകര സ്വദേശി ശിഖ മനോജ് ആണ് വധു. കഴിഞ്ഞ വർഷം നവംബറിലായിരുന്നു താരത്തിന്റെ വിവാഹനിശ്ചയം കഴിഞ്ഞത്.
പുതിയ ആരംഭം എന്ന കുറിപ്പോടെ വിവാഹ ചിത്രം അർജുൻ സമൂഹമാധ്യമത്തിൽ പങ്കുവച്ചു. വ്യാഴാഴ്ച രാവിലെ ഗുരുവായൂർ വച്ചായിരുന്നു ഇരുവരുടെയും വിവാഹം.
കരിക്ക് വെബ്സീരിസിലൂടെയാണ് അർജുൻ ശ്രദ്ധനേടുന്നത്. പിന്നീട് മിഥുൻ മാനുവൽ ചിത്രമായ അർജന്റീന ഫാൻസ് കാട്ടൂർക്കടവ്, ട്രാൻസ് തുടങ്ങിയ ചിത്രങ്ങളിലൂടെ വെള്ളിത്തിരയിലുമെത്തി.