അനിയന്‍റെ ആദ്യ സംവിധാനത്തിൽ പിറന്ന ചിത്രം കാണാൻ തിയറ്ററിലെത്തി നടൻ ദിലീപ്. സഹോദരൻ അനൂപ് പദ്മനാഭന്‍ ആദ്യമായി സംവിധാനം ചെയ്യുന്ന ചിത്രം തട്ടാശ്ശേരി കൂട്ടത്തിന്‍റെ പ്രദർശനത്തിനാണ് ദിലീപ് എത്തിയത്. കാറിൽ നിന്നും ഇറങ്ങി വേഗം തന്നെ തിയറ്ററിലേക്ക് പോകുന്ന ദിലീപിന്‍റെ വീഡിയോയാണ് ഇപ്പോൾ ശ്രദ്ധേയമായിരിക്കുന്നത്.
ഗ്രാൻഡ് പ്രൊഡക്ഷൻസിന്‍റെ ബാനറിൽ ദിലീപാണ് തട്ടാശ്ശേരി കൂട്ടം നിർമിച്ചിരിക്കുന്നത്. അർജുൻ അശോകൻ നായകനായി എത്തുന്ന ചിത്രത്തിൽ വിജയരാഘവൻ, ശ്രീലക്ഷ്മി, ഗണപതി, അനീഷ് ഗോപാൽ, ഉണ്ണി രാജൻ പി. ദേവ് തുടങ്ങിയവരാണ് മറ്റു താരങ്ങൾ. തിരക്കഥ സംഭാഷണം നിർവ്വഹിച്ചിരിക്കുന്നത് സന്തോഷ്‌ ഏച്ചിക്കാനം, ഛായാഗ്രഹണം ജിതിൻ സ്റ്റാൻസിലാവോസ്.
