പഞ്ചായത്ത് തെരഞ്ഞെടുപ്പിൽ മെന്പർ സ്ഥാനത്തേക്ക് മത്സരിക്കാൻ മമ്മൂട്ടി. തീക്കോയി ഗ്രാമപഞ്ചായത്തിലെ മൂന്നാം വാർഡിലാണ് ഇടതുപക്ഷ സ്വതന്ത്ര സ്ഥാനാർഥിയായി താരം മത്സരിക്കുന്നത്. ടോർച്ചാണ് തെരഞ്ഞെടുപ്പ് ചിഹ്നം. ചിരിച്ചുകൊണ്ടു നിൽക്കുന്ന നടന്റെ ഫ്ള്ക്സിൽ മാത്യു ദേവസിയെ വിജയിപ്പിക്കുക എന്നാണ് അഭ്യർഥന. ഏതായാലും ഫ്ലക്സുകൾ മൂന്നാം വാർഡിൽ നിരന്നു കഴിഞ്ഞു.
മമ്മൂട്ടിയെ നായകനാക്കി ജിയോ ബേബി സംവിധാനം ചെയ്യുന്ന കാതൽ എന്ന ചിത്രത്തിന്റെ ഭാഗമായാണ് ഫ്ളക്സുകൾ സ്ഥാപിച്ചിരിക്കുന്നത്. മമ്മൂട്ടി അവതരിപ്പിക്കുന്ന മാത്യു ദേവസിയുടെ നായിക കഥാപാത്രത്തെ അവതരിപ്പിക്കുന്നത് തെന്നിന്ത്യൻ താരം ജ്യോതികയാണ്.
ലാലു അലക്സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്ശ് സുകുമാരന് തുടങ്ങിയവരാണ് സിനിമയിലെ മറ്റ് അഭിനേതാക്കള്. തിരക്കഥ: ആദര്ശ് സുകുമാരന്, പോള്സണ് സ്കറിയ. ഛായാഗ്രഹണം: സാലു കെ.തോമസ്, എഡിറ്റിംഗ്: ഫ്രാന്സിസ് ലൂയിസ്, സംഗീതം: മാത്യൂസ് പുളിക്കന്