തിയറ്ററിൽ ഹിറ്റായി മാറിക്കൊണ്ടിരിക്കുന്ന ജീത്തു ജോസഫ്- ആസിഫ് അലി ചിത്രം കൂമന് അഭിനന്ദനങ്ങളുമായി സംവിധായകൻ ഷാജി കൈലാസ്. ജീത്തു ജോസഫ് തന്നെ ഞെട്ടിച്ചുവെന്നും ആസിഫ് അലിയുടെ കരിയറിലെ മികച്ച പ്രക‌ടനമായിരുന്നു ഇതെന്നും ഷാജി കൈലാസ് കുറിച്ചു.
കൂമൻ എന്ന ചിത്രം കാണാൻ സാധിച്ചു.... ഈ ചിത്രം സമ്മാനിച്ചത് വളരെ മികച്ച ഒരു ദൃശ്യാനുഭവമാണ്. ആദ്യാവസാനം ത്രില്ലടിപ്പിച്ച ഒരു ചിത്രമെന്ന് കൂമനെ വിശേഷിപ്പിക്കാം.. ജീത്തു ജോസഫ് ഒരിക്കൽ കൂടി തന്‍റെ കയ്യടക്കം കൊണ്ട് ഞെട്ടിച്ചപ്പോൾ, ആസിഫ് അലി തന്നത് തന്‍റെ കരിയറിലെ തന്നെ മികച്ച പ്രകടനങ്ങളിലൊന്ന്..ഇത്രയും മികച്ച ഒരനുഭവം സമ്മാനിച്ചതിന് കൂമന്‍റെ ഓരോ അണിയറപ്രവർത്തകർക്കും നന്ദി പറയുന്നു..
