ഉമ്മൻചാണ്ടിക്ക് പിറന്നാൾ ആശംസകളുമായി നടൻ മമ്മൂട്ടി എത്തി. ആലുവ പാലസിലെത്തിയാണ് മമ്മൂട്ടി ഉമ്മൻചാണ്ടിക്ക് 79ാം പിറന്നാൾ ആശംസിച്ചത്. നിർമാതാവ് ആന്റോ ജോസഫും ജോർജും താരത്തിനൊപ്പമുണ്ടായിരുന്നു.
ഏറെ നേരം അദ്ദേഹത്തിനൊപ്പം ചിലവഴിച്ചതിന് ശേഷമാണ് താരം മടങ്ങിയത്. ഉമ്മൻ ചാണ്ടിക്ക് പിറന്നാൾ ആശംസകൾ നേരാണ് താൻ നേരിട്ടെത്തിയതെന്നും അദ്ദേഹത്തിന്റെ അസുഖം ഭേദമായി എത്രയും പെട്ടന്ന് സുഖം പ്രാപിക്കട്ടെയെന്ന് ആശംസിക്കുന്നുവെന്നും മമ്മൂട്ടി പറഞ്ഞു.
ഉമ്മൻചാണ്ടിയുടെ ഭാര്യ മക്കൾ എന്നിവരും സമീപത്തുണ്ടായിരുന്നു. വിദഗ്ദ ചികിത്സക്കായി ജർമനിയിലേക്ക് പോകാൻ തയ്യാറെടുക്കുകയാണ് ഉമ്മൻചാണ്ടി.