ആശ ശരത്തിന്റെ മകളും നടിയുമായ ഉത്തരയുടെ വിവാഹനിശ്ചയം കഴിഞ്ഞു. ആദിത്യയാണ് വരൻ. കൊച്ചിയിലെ സ്വകാര്യഹോട്ടലിലായിരുന്നു ചടങ്ങ്. ഇരുവരുടെയും കുടുംബാംഗങ്ങളും അടുത്ത സുഹൃത്തുക്കളുമടക്കം നിരവധി പേരാണ് ചടങ്ങിൽ പങ്കെടുത്തത്.
മമ്മൂട്ടി, സുരേഷ് ഗോപി, ദിലീപ്, മനോജ് കെ. ജയൻ, രമേഷ് പിഷാരടി, ആന്റോ ജോസഫ് തുടങ്ങി സിനിമ മേഖലയിൽ നിന്നും നിരവധി താരങ്ങളും ചടങ്ങിനെത്തിയിരുന്നു.
നൃത്തവേദികളിൽ സജീവ സാന്നിധ്യമായ ഉത്തര 2021ലെ മിസ് കേരള റണ്ണർഅപ്പ് കൂടിയായിരുന്നു. മെക്കാനിക്കൽ എൻജിനീയറായാണ്. ആശ ശരത്ത് പ്രധാന വേഷത്തിലെത്തുന്ന ഖെദ്ദ എന്ന ചിത്രത്തിലൂടെ അഭിനയരംഗത്തും ഉത്തര അരങ്ങേറ്റം കുറിച്ചിരുന്നു.
രണ്ടു പെൺമക്കളാണ് ആശ ശരത്തിന്. കീർത്തനയാണ് താരത്തിന്റെ രണ്ടാമത്തെ മകൾ. കാനഡയിലെ വെസ്റ്റേൺ സർവകലാശാലയിൽ നിന്നും സിന്തറ്റിക് ബയോളജിയിലാണ് കീർത്തന ബിരുദം നേടിയിരിക്കുന്നത്.