പ്രേക്ഷകര് കാത്തിരിക്കുന്ന നിവിന് പോളി ചിത്രം പടവെട്ടിന്റെ ഓഡിയോ ലോഞ്ച് ഞായറാഴ്ച നടക്കും. തിരുവനന്തപുരം ലുലുമാളിലാണ് പരിപാടി നടക്കുക. ലിജു കൃഷ്ണ തിരക്കഥയും സംവിധാനവുമൊരുക്കുന്ന ചിത്രം ഒക്ടോബര് 21ന് തിയറ്ററിലെത്തും.
അതിജീവനത്തിന്റെയും പോരാട്ടത്തിന്റെയും കഥയാണ് ചിത്രം പറയുന്നത്. നാട്ടുകാരുടെ പ്രശ്നങ്ങളില് ഇടപെടുന്ന ചെറുപ്പക്കാരന്. പിന്നീട് ആ ഗ്രാമത്തിന്റെ തന്നെ പോരാട്ടം അയാള് എറ്റെടുക്കുന്നു. കരിയറിലെ തന്നെ ശക്തമായ കഥാപാത്രമായിരിക്കും നിവിന് പോളിയുടെ ഈ വേഷം.
അദിതി ബാലൻ, ഷമ്മി തിലകൻ, ഷൈൻ ടോം ചാക്കോ, ഇന്ദ്രൻസ് തുടങ്ങിയവരും ചിത്രത്തിൽ അഭിനയിക്കുന്നു. ഛായഗ്രഹണം ദീപക് ഡി.മോനോന്. എഡിറ്റിംഗ് മുഹമ്മദലി. സംഗീതം ഗോവിന്ദ് മേനോന്. വിക്രം മെഹ്ര, സിദ്ധാർഥ് ആനന്ദ് കുമാർ, സണ്ണി വെയ്ൻ എന്നിവർ ചേർന്നാണ് ചിത്രം നിർമിക്കുന്നത്.