ടൊവിനോ തോമസിനെ നായകനാക്കി നവാഗതനായ ജിതിന് ലാല് ഒരുക്കുന്ന ബിഗ് ബജറ്റ് ചിത്രമാണ് അജയന്റെ രണ്ടാം മോഷണം. ത്രിഡിയിലാണ് ചിത്രം റിലിസിനെത്തുക. ചിത്രത്തിന്റെ
പ്രി വിഷ്വലൈസേഷന് വീഡിയോ അണിയറ പ്രവര്ത്തകര് പുറത്തുവിട്ടു.
ഒരു പാന് ഇന്ത്യന് ചിത്രമായിട്ടാണ് അജയന്റെ രണ്ടാം മോഷണം ഒരുങ്ങുന്നത്. മണിയന്, അജയന്, കുഞ്ഞിക്കേളു എന്നിങ്ങനെ മൂന്ന് കഥാപാത്രങ്ങളെയാണ് ടൊവിനോ ചിത്രത്തില് അവതരിപ്പിക്കുന്നത്.
കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് നായികമാരായി എത്തുന്നത്. കൃതി ഷെട്ടിയുടെ ആദ്യ മലയാള ചിത്രമാണ് അജയന്റെ രണ്ടാം മോഷണം. ബേസിൽ ജോസഫ്, കിഷോർ, ഹരീഷ് ഉത്തമൻ, ഹരീഷ് പേരടി, ജഗദീഷ് തുടങ്ങിയവരും ചിത്രത്തിലുണ്ട്.
സുജിത് നമ്പ്യാരാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ഫ്രെയിംസും നിർമാണത്തിൽ പങ്കാളികളാണ്. തമിഴിലെ സംഗീത സംവിധായകൻ ദീപു നൈനാൻ തോമസാണ് ചിത്രത്തിനായി സംഗീതം ഒരുക്കുന്നത്. എഡിറ്റിംഗ് ഷമീർ മുഹമ്മദ്. ഛായാഗ്രഹണം ജോമോൻ ടി. ജോൺ.