ലക്കി സിംഗായി പ്രേക്ഷകരില് ആകാംഷ നിറയ്ക്കാന് മോഹന്ലാല് എത്തുന്നു. ആരാധകര് ഏറെ പ്രതീക്ഷയോടെ കാത്തിരിക്കുന്ന മോഹന്ലാല്-വൈശാഖ് ചിത്രം മോണ്സ്റ്ററിന്റെ ട്രെയിലര് പുറത്തിറങ്ങി.
ത്രില്ലര് വിഭാഗത്തിലാണ് ചിത്രം എത്തുന്നത്. പുലിമുരുകന് ശേഷം മോഹന്ലാലിനെ നായകനാക്കി വൈശാഖ് സംവിധാനം ചെയ്യുന്ന ചിത്രമാണ് മോണ്സ്റ്റര്.
സിദ്ദീഖ്, ലെന, ഇടവേള ബാബു, ലക്ഷ്മി മഞ്ജു, ഹണി റോസ് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ആന്റണി പെരുമ്പാവൂരാണ് ചിത്രം നിർമിക്കുന്നത്. ഉദയ് കൃഷ്ണനാണ് മോൺസ്റ്ററിന്റെ രചന ഒരുക്കുന്നത്.
സതീഷ് കുറുപ്പാണ് ഛായാഗ്രഹണം. എഡിറ്റിംഗ് ഷമീർ മുഹമ്മദ്. സംഗീതം: ദീപക് ദേവ്. ഫെബ്രുവരിയിൽ റിലീസിനെത്തിയ ആറാട്ടിനു ശേഷം തിയറ്ററുകളിലെത്തുന്ന മോഹൻലാൽ ചിത്രമാണ് മോൺസ്റ്റർ.