മികച്ച ഗായികയ്ക്കുള്ള ദേശീയ അവാര്‍ഡിന്‍റെ തിളക്കത്തില്‍ നിന്നും ഗായിക നഞ്ചിയമ്മ പറന്നത് ലണ്ടനിലേയ്ക്ക്. യുകെ മലയാളി അസോസിയേഷന്‍ സംഘടിപ്പിക്കുന്ന സംഗീതപരിപാടിയില്‍ പങ്കെടുക്കാനാണ് നഞ്ചിയമ്മ എത്തിയിരിക്കുന്നത്.
ലോകപ്രശസ്ത സംഗീത ബാന്‍ഡായ ബീറ്റില്സിന്റെ തട്ടകമായ ലിവര്‍പൂളില്‍ നിന്നുള്ള ഗായികയുടെ ചിത്രമാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. ലിവര്‍പൂള്‍ തെരുവിലുള്ള ബീറ്റില്സിന്റെ പ്രതിമകള്‍ക്കൊപ്പമാണ് നഞ്ചിയമ്മയുടെ ചിത്രം.
രമേഷ് പിഷാരടി,ഗായിക നിത്യാ മാമന്‍ എന്നിവരുള്‍പെടുന്ന സംഘത്തിനൊപ്പമാണ് നഞ്ചിയമ്മ എത്തിയത്. ലിവര്‍പൂള്‍,ബ്രിസ്‌റ്റോള്‍,ലണ്ടന്‍ എന്നിവിടങ്ങളിലാണ് സംഗീതപരിപാടി അരങ്ങേറുക.
