രാഹുൽഗാന്ധി നയിക്കുന്ന ഭാരത് ജോഡോ യാത്രയില് പങ്കെടുത്ത് നടൻ രമേഷ് പിഷാരടി. വി.ടി. ബൽറാമാണ് മനോഹരമായ ചിത്രം പങ്കുവച്ചത്. എന്നാൽ പിഷാരടിയെ കൂടാതെ ഒരു കൊച്ചു കുഞ്ഞിനെ തോളിൽവച്ച് നടക്കുന്ന രാഹുൽ ഗാന്ധിയാണ് ഫോട്ടോയുടെ മനോഹാരിത കൂട്ടുന്നത്.
അച്ഛന്റെ തോളിൽ ഇരുന്ന് ജോഡോ യാത്രയിൽ പങ്കാളിയായ കൊച്ചുമിടുക്കിയെ രാഹുൽ തന്റെ അരികിലേക്ക് വരാൻ ആവശ്യപ്പെടുകയായിരുന്നു. ഈ ചിത്രമാണ് ഇപ്പോൾ ആരാധകരും കോൺഗ്രസ് പ്രവർത്തകരും ഏറ്റെടുത്തിരിക്കുന്നത്.
അതേ സമയം ജോഡോ യാത്ര ആവേശത്തിരയിളക്കി മലപ്പുറം ജില്ലയിലാണ് ഇപ്പോഴുള്ളത്. രാഹുലിനൊപ്പം കോൺഗ്രസിലെ എല്ലാ മുതിർന്ന നേതാക്കളും പ്രവർത്തകരും അണിചേർന്നിട്ടുണ്ട്.