പ്രേക്ഷകരില് ആകാംഷ നിറയ്ക്കുന്ന മുഹൂര്ത്തങ്ങളുമായി മമ്മൂട്ടി ചിത്രം റോഷാക്കിന്റെ ട്രെയിലര് പുറത്തിറങ്ങി. ദുരൂഹത നിറയുന്ന ട്രെയിലറില് അതിഗംഭീര പ്രകടനമാണ് മമ്മൂട്ടി കാഴ്ച വച്ചിരിക്കുന്നത്.
കെട്ട്യോളാണ് എന്റെ മാലാഖ എന്ന ചിത്രത്തിന് ശേഷം നിസാം ബഷീര് ഒരുക്കുന്ന ചിത്രമാണ് റോഷാക്ക്. ത്രില്ലര് ചിത്രത്തിന്റെ നിര്മാണം മമ്മൂട്ടി കമ്പനിയാണ്. വേഫെറര് ഫിലിംസാണ് ചിത്രം തിയറ്ററുകളില് എത്തിക്കുന്നത്.
കൊച്ചിയിലും ദുബായിലുമായിട്ടാണ് ചിത്രത്തിന്റെ ഷൂട്ടിംഗ് പൂര്ത്തീകരിച്ചത്. മമ്മൂട്ടിയെ കൂടാതെ ഷറഫുദ്ദീന്, ജഗദീഷ്, ഗ്രേസ് ആന്റണി, ബിന്ദു പണിക്കര്, സഞ്ജു ശിവറാം, കോട്ടയം നസീര്, ബാബു അന്നൂര്, മണി ഷൊര്ണ്ണൂര് തുടങ്ങിയവരും ചിത്രത്തില് അഭിനയിക്കുന്നുണ്ട്.
അഡ്വേഞ്ചേഴ്സ് ഓഫ് ഓമനക്കുട്ടന്, ഇബ്ലീസ് എന്നീ ചിത്രങ്ങള്ക്ക് തിരക്കഥ ഒരുക്കിയ സമീര് അബ്ദുള്ളാണ് തിരക്കഥ ഒരുക്കിയിരിക്കുന്നത്. സെപ്റ്റംബർ അവസാനം ചിത്രം തിയറ്ററുകളിലെത്തും.