മെഗാസ്റ്റാറിന്‍റെ ജന്‍മദിനം ആഘോഷിച്ചില്ലെങ്കില്‍ പിന്നെന്താണ് ആഘോഷമെന്നാണ് ആരാധകര്‍ ചോദിക്കുന്നത്. മമ്മൂട്ടിയുടെ ജന്‍മദിനത്തിന് രാത്രി 12 ന് തന്നെ താരത്തിന്‍റെ വീടിന് പുറത്ത് ആരാധകര്‍ കൂട്ടമായി എത്തി.
അവര്‍ തങ്ങളുടെ പ്രിയപ്പെട്ട മമ്മൂയ്ക്കായി കേക്ക് മുറിച്ചു. കരിമരുന്ന് പ്രകടനവും നടത്തി. വിവിധ മേഖലയില്‍ നിന്നുള്ള മമ്മൂട്ടി ഫാന്‍സ് അസോസിയേഷന്‍കാരാണ് ഒരുമിച്ചെത്തിയത്.
വീടിന് മുന്നില്‍ അണിനിരന്ന ആരാധകരെ മമ്മൂട്ടി നിരശരാക്കിയില്ല. 12 കഴിഞ്ഞതോടെ വീടിന്‍റെ മുകള്‍ നിലയിലെ മട്ടുപ്പാവിലെത്തി ആരാധകരെ നോക്കി കൈവീശി. പിന്നീട് പോലീസെത്തിയാണ് ആളുകളെ വീടിന് മുന്നില്‍ നിന്നും പറഞ്ഞുവിട്ടത്.
