ഓണക്കാലം ആഘോഷമാക്കാനൊരുങ്ങി ഒടിടി പ്ലാറ്റ്ഫോമുകള്. തിയറ്റുകളില് സൂപ്പര് ഹിറ്റായി മാറിയ ഒരുപിടി ചിത്രങ്ങളുമായിട്ടാണ് ഒടിടി സിനിമ ആസ്വാദകര്ക്ക് ദൃശ്യാനുഭവം സമ്മാനിക്കുന്നത്.
ന്നാ താന് കേസ് കൊട്
കുഞ്ചാക്കോ ബോബന്റെ സൂപ്പര് ഹിറ്റ് ചിത്രം ന്നാ താന് കേസ് കൊട് തിരുവോണദിനത്തില് സ്ട്രീം ചെയ്യും. ഡിസ്നി പ്ലസ് ഹോട്ട് സ്റ്റാറിലൂടെ പ്രേക്ഷകര്ക്ക് സിനിമ ആസ്വദിക്കാം
പാപ്പന്
സുരേഷ് ഗോപി-ജോഷി കൂട്ടുകെട്ടില് പിറന്ന സൂപ്പര് ഹിറ്റ് ചിത്രം സീ 5ലാണ് സ്ട്രീമിംഗ് നടത്തുക. ഏഴ് വര്ഷത്തിന് ശേഷം ഇരുവരും ഒന്നിച്ച ചിത്രമാണ് പാപ്പന്. എബ്രാഹം മാത്യു മാത്തന് എന്ന ഐപിഎസ് കഥാപാത്രത്തെയാണ് സുരേഷ് ഗോപി ചിത്രത്തില് അവതരിപ്പിക്കുന്നത്.
വിക്രാന്ത് റോണ
കിച്ച സൂദീപിനെ നായകനാക്കി അനൂപ് ഭണ്ഡാരി സംവിധാനം ചെയ്ത ചിത്രമാണ് വിക്രാന്ത് റോണ. മലയാളത്തില് ഡബ്ബ് ചെയ്തിരിക്കുന്ന ചിത്രം സീ 5ലാണ് റിലീസ് ചെയ്തിരിക്കുന്നത്. അഞ്ച് ഭാഷകളിലാണ് ചിത്രം ഡബ്ബ് ചെയ്തിരിക്കുന്നത്. ഫാന്റസി ആക്ഷന് ചിത്രമാണ് വിക്രാന്ത് റോണ.
ഏക് വില്ലന് റിട്ടേണ്സ്
ജോണ് എബ്രാഹം നായകനായെത്തിയ ഏക് വില്ലന് റിട്ടേണ്സ് നെറ്റ്ഫ്ലിക്സിലൂടെ സെപ്റ്റംബര് ഒന്പതിന് സ്ട്രീം ചെയ്യും. മൊഹിത് സൂരി സംവിധാനം ചെയ്ത ചിത്രത്തില് അര്ജുന് കപൂറും പ്രധാന വേഷത്തിലെത്തുന്നു.