പേരില്‍ മാറ്റം വരുത്തി നടന്‍ സുരേഷ് ഗോപി. സമൂഹമാധ്യമങ്ങളിലെ പേരിലാണ് നടന്‍ മാറ്റം വരുത്തിയിരിക്കുന്നത്. പേരിലെ ഇംഗ്ലീഷ് അക്ഷരങ്ങളില്‍ ഒരു എസ്(S) കൂടി കൂട്ടിചേര്‍ത്താണ് പുതിയ മാറ്റം. Suresh Gopi എന്ന സ്‌പെല്ലിംഗിന് പകരം Suressh Gopi എന്നാകും ഇനി മുതല്‍ വരിക.
നേരത്തെ നടി ലെനയും പേരിന്‍റെ സ്‌പെല്ലിംഗില്‍ ഒരു എ(A) കൂടി ചേര്‍ത്ത് പേര് പരിഷ്‌കരിച്ചിരുന്നു. Lenaa എന്നാണ് താരത്തിന്റെ പുതിയ പേര്. ജൂതസംഖ്യശാസ്ത്ര പ്രകാരമുള്ള ഉപദേശം സ്വീകരിച്ചാണ് താരം പേര് മാറ്റിയത്.
പാപ്പന്‍ എന്ന ചിത്രമാണ് സുരേഷ് ഗോപിയുടേതായി ഒടുവില്‍ പുറത്തിറങ്ങിയത്. നീണ്ട ഇടവേളക്ക് ശേഷം സംവിധായകന്‍ ജോഷിയും സുരേഷ് ഗോപിയും ഒന്നിച്ച ചിത്രം കൂടി ആയിരുന്നു ഇത്. ജൂലൈ 29ന് തിയറ്ററിൽ എത്തിയ ചിത്രം വൻ വിജയമായിരുന്നു. ഉത്രാട ദിനമായ സെപ്റ്റംബര്‍ ഏഴിന് ചിത്രം സീ 5ല്‍ പ്രീമിയര്‍ ചെയ്യും.
