ഏറെ ആരാധകരുള്ള താരദമ്പതികളാണ് രണ്ബീര് കപൂറും ആലിയ ഭട്ടും. ഇരുവരും ഒന്നിച്ചത്തുന്ന ചിത്രം ബ്രഹ്മാസ്ത്രയുടെ പ്രചരണത്തിനെത്തിയപ്പോള് താരം ധരിച്ച വസ്ത്രമാണ് ഇപ്പോള് വൈറലായിരിക്കുന്നത്.
ആലിയ ധരിച്ച പിങ്ക് ഷറാറയുടെ പുറകില് എഴുതിയിരിക്കുന്ന വരികളിലാണ് ആരാധകരുടെ കണ്ണ് ഉടക്കിയിരിക്കുന്നത്. ബേബി ഓണ് ബോര്ഡ് എന്നാണ് വസ്ത്രത്തില് എഴുതിയിരിക്കുന്നത്. ഇത് ആരാധാകരെ കാണിക്കുന്ന ആലിയായെയും വീഡിയോയില് കാണാം.
ഹിന്ദി,തമിഴ്,തെലുങ്ക്,മലയാളം,കന്നഡ എന്നീ ഭാഷകളിലാണ് ചിത്രം ഇറങ്ങുന്നത്. ഭര്ത്താവ് രണ്ബീറും നിര്മാതാവ് കരണ് ജോഹറും വേദിയില് ആലിയയോടൊപ്പമുണ്ട്.
സെപ്റ്റംബർ ഒന്പതിന് തിയറ്ററുകളില് എത്തുന്ന ബ്രഹ്മാസ്ത്രയില് അമിതാഭ് ബച്ചന്, മൗനി റോയ്, നാഗാര്ജുന അക്കിനേനി എന്നിവരും പ്രധാന കഥാപാത്രങ്ങളില് എത്തുന്നുണ്ട്. ഷാരൂഖ് ഖാൻ അതിഥി വേഷത്തിലും ചിത്രത്തിൽ എത്തുന്നുണ്ട്.