വെള്ളിമൂങ്ങ, മുന്തിരിവള്ളികൾ തളിർക്കുന്പോൾ എന്നീ ചിത്രങ്ങൾക്കുശേഷം ജിബു ജേക്കബ് സംവിധാനം ചെയ്യുന്ന ആദ്യരാത്രി എന്ന സിനിമയിലെ ഗാനം പുറത്തിറങ്ങി. സന്തോഷ് വർമയുടെ വരികൾക്ക് ബിജിപാൽ ഈണം നൽകിയ ഗാനം ആലപിച്ചിരിക്കുന്നത് രഞ്ജിത് ജയരാമൻ, ആൻ ആമി എന്നിവർ ചേർന്നാണ്.
ബിജു മേനോൻ നായകനാകുന്ന ചിത്രത്തിൽ അനശ്വര രാജൻ പ്രധാന വേഷത്തിലെത്തുന്നു. വിജയരാഘവൻ, അശ്വിൻ, സർജനു, മനോജ് ഗിന്നസ്, ജയൻ ചേർത്തല, മാല പാർവതി എന്നിവരും സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. ഷാരിസ്, ജെബിൻ എന്നിവർ ചേർന്നാണ് തിരക്കഥ രചിച്ചിരിക്കുന്നത്.