അപ്പച്ചിയുടെ ആഗ്രഹം നിറവേറ്റികൊടുത്ത് നടി അഹാന കൃഷ്ണ. ഫ്ലെറ്റില് കയറണമെന്ന ആഗ്രഹമാണ് നടിയും അനിയത്തി ഇഷാനിയും സഫലീകരിച്ചത്. വര്ഷങ്ങളായി നടിക്കും കുടുംബത്തിനുമൊപ്പമാണ് അപ്പച്ചി എന്ന് വിളിക്കുന്ന അച്ഛന്റെ സഹോദരി താമസിക്കുന്നത്.
""അടുത്തിടെയാണ് ഞങ്ങള് അറിഞ്ഞത്. അപ്പച്ചിയുടെ ഏറ്റവും വലിയ ആഗ്രഹമാണ് ഒരിക്കലെങ്കിലും വിമാനത്തില് കയറുക എന്നത്. എന്നാല് പിന്നെ ആ ആഗ്രഹം പൂര്ത്തിയാക്കാം എന്നോര്ത്തു. ആഗ്രഹങ്ങളൊന്നും ബാക്കി വയ്ക്കാന് പാടില്ലല്ലോ''. അഹാന പറയുന്നു. നടിയുടെ യുട്യൂബ് ചാനലില് യാത്രയുടെയും ഒരുക്കങ്ങളുടെയും എല്ലാം നിമിഷങ്ങള് പകര്ത്തിയിട്ടുണ്ട്.
ചെന്നൈയാണ് അപ്പച്ചിക്കൊപ്പം പോകാന് അഹാന തിരഞ്ഞെടുത്ത സ്ഥലം. ചെന്നൈയില് കുറെ നാള് ജീവിച്ച ആളാണ് അപ്പച്ചിയെന്നും അതിനാലാണ് ആ സ്ഥലം തിരഞ്ഞെടുത്തതെന്നും അഹാന പറയുന്നുണ്ട്.
വളരെ സന്തോഷത്തോടെ യാത്രയ്ക്ക് ഒരുങ്ങുന്ന അപ്പച്ചിയെയും വീഡിയോയില് കാണാം. ആദ്യ ഫ്ലൈറ്റ് യാത്രയുടെ സുന്ദരനിമിഷങ്ങളെല്ലാം തന്നെ മനോഹരമായി പകര്ത്തിയിട്ടുണ്ട് അഹാന.