ടോവിനൊ തോമസ് നായകനാകുന്ന എടക്കാട് ബറ്റാലിയൻ 06 എന്ന ചിത്രത്തിലെ ലിറിക്കൽ ഗാനം പുറത്തുവിട്ടു. നവാഗതനായ സ്വപ്നേഷ് കെ. നായരാണ് സിനിമ സംവിധാനം ചെയ്യുന്നത്. ബി.കെ. ഹരിനാരായണന്‍റെ വരികൾക്ക് കൈലാസ് മേനോൻ ഈണം നൽകുന്ന ഗാനം ആലപിക്കുന്നത് കെ.എസ്. ഹരിശങ്കർ, നിത്യാ മാമെൻ എന്നിവരാണ്.
സംയുക്ത മേനോനാണ് സിനിമയിലെ നായിക. പി. ബാലചന്ദ്രന്‍റേതാണ് തിരക്കഥ. രണ്‍ജി പണിക്കർ, അലൻസിയർ, ജോണി ആന്‍റണി, ഹരീഷ് കണാരൻ, കൊച്ചുപ്രേമൻ, മാളവിക മേനോൻ, സ്വാസിക എന്നിവരാണ് സിനിമയിൽ പ്രധാനകഥാപാത്രങ്ങളെ അവതരിപ്പിക്കുന്നവർ.
റൂബി ഫിലിംസ് ആൻഡ് കാർണിവർ മോഷൻ പിക്ചേഴ്സിന്‍റെ ബാനറിൽ ശ്രീകാന്ത് ഭാസി, തോമസ് ജോസഫ് പട്ടിത്താനം, ജയന്ത് മാമൻ എന്നിവരാണ് സിനിമ നിർമിക്കുന്നത്.
