സിനിമ നിരൂപണങ്ങളിലൂടെ സമൂഹമാധ്യമങ്ങളില് ശ്രദ്ധേയനായ യുവാവ് തന്നെ വളരെയധികം കഷ്ടപ്പെടുത്തിയിട്ടുണ്ടെന്ന് നടി നിത്യ മേനോന്. സഹിക്കാവുന്നതിലും അപ്പുറം ബുദ്ധിമുട്ടുകളാണ് തനിക്കും മാതാപിതാക്കള്ക്കും അദ്ദേഹം വഴി ഉണ്ടായതെന്നും നടി ഓണ്ലൈന് ചാനലിന് നല്കിയ അഭിമുഖത്തില് പറഞ്ഞു.
പുള്ളി പറയുന്നത് വിശ്വസിക്കുന്നവരാണ് മണ്ടന്മാര്. കുറേ വര്ഷങ്ങളായി അയാള് എന്നെ ഒരുപാട് കഷ്ടപ്പെടുത്തിയിട്ടുണ്ട്. പിന്നെ നോക്കുന്പോൾ അയാൾ വൈറലായി. അതുകൊണ്ട് പിന്നീട് പറയുന്നതെല്ലാം പബ്ലിക്കായി.ആറുവര്ഷത്തിലേറെയായി ഇത്തരത്തില് തുടരെ കഷ്ടപ്പെടുത്തുന്നു. ഞാന് ക്ഷമിച്ചതാണ്. എല്ലാവരും പറഞ്ഞിരുന്നു പരാതി നല്കാന്.
എന്റെ അച്ഛനെയും അമ്മയെയും വരെ ഫോണില് വിളിച്ച് ശല്യപ്പെടുത്തും. എല്ലാവരോടും ഏറ്റവും ക്ഷമയോടും ദയയോടും സംസാരിക്കാന് ഇഷ്ടപെടുന്നവരാണ് അവര്. എന്നാല് അവര്ക്ക് പോലും ഒടുവില് ശബ്ദമുയര്ത്തേണ്ട സ്ഥിതി വന്നു.
അമ്മയ്ക്ക് കാന്സര് കഴിഞ്ഞ് ഇരിക്കുന്ന സമയത്ത് എപ്പോഴും വിളിക്കും. എന്റെ അച്ഛനും അമ്മയും പോലും അയാളോട് ദേഷ്യപ്പെട്ടു സംസാരിക്കുന്നതു കണ്ടിട്ടുണ്ട്. പിന്നീട് അയാള് വിളിച്ചാല് ബ്ലോക്ക് ചെയ്യണം എന്ന് അവരോടു പറയേണ്ടി വന്നിട്ടുണ്ട്. അയാളുടെ മുപ്പതോളം ഫോണ് നമ്പറുകള് ബ്ലോക്ക് ചെയ്യേണ്ടി വന്നു. നിത്യ പറയുന്നു.