അമ്മയാകാനുള്ള തയ്യറെടുപ്പിലാണ് പ്രേക്ഷരുടെ പ്രിയതാരം ആലിയ ഭട്ട്. റിലീസിനൊരുങ്ങുന്ന പുതിയ ചിത്രം ഡാര്‍ലിംഗ്‌സ് ന്‍റെ പ്രമോഷനുമായി ബന്ധപ്പെട്ട് തിരക്കിലാണ് താരമിപ്പോള്‍. ചിത്രത്തിലെ നായികയും നിര്‍മാതാവും ആലിയ തന്നെയാണ്.
ചിത്രത്തിന്‍റെ പ്രമോഷനിടിയില്‍ താരം പറഞ്ഞ മറുപടിയാണ് ഇപ്പോള്‍ ആരാധകർക്കിടയിൽ ചർച്ചയായിരിക്കുന്നത്. ഗര്‍ഭിണിയായതിനാല്‍ വിശ്രമം ആവശ്യമായി വരുമോയെന്നും സിനിമയില്‍ നിന്ന് ഇടവേളയെടുക്കുമോ എന്നുമാണ് മാധ്യമപ്രവര്‍ത്തകര്‍ ആലിയയോട് ചോദിച്ചത്.
നമ്മുടെ ശരീരം ഫിറ്റായും ആരോഗ്യത്തോടെയാണും ഇരിക്കുന്നതെങ്കില്‍ ഗര്‍ഭാവസ്ഥയിൽ നമുക്ക് വിശ്രമം ആവശ്യമായി വരില്ല. എനിക്ക് ഏറ്റവും സമാധാനം നല്‍കുന്നത് ജോലി ചെയ്യുമ്പോഴാണ്. അതെന്‍റെ പാഷന്‍ ആണ്. എന്‍റെ ഹൃദയത്തെയും ആത്മാവിനെയും എന്നെ മുഴുവനായും തന്നെ അത് ചാര്‍ജ് ചെയ്യും. നൂറ് വയസ് വരെയും ജോലി ചെയ്യണമെന്നാണ് എന്‍റെ ആഗ്രഹം ആലിയ പറഞ്ഞു.
അഞ്ച് വര്‍ഷത്തെ പ്രണയത്തിന് ശേഷം ഏപ്രില്‍ 14-നായിരുന്നു ആലിയ രണ്‍ബീര്‍ വിവാഹം നടന്നത്. ജൂണിലാണ് താരം അമ്മയാകാന്‍ പോകുന്ന വിവരം സമൂഹമാധ്യമങ്ങളിലൂടെ ആരാധകരെ അറിയിച്ചത്.
