എബ്രിഡ് ഷൈന് സംവിധാനം ചെയ്ത മഹാവീര്യര് എന്ന ചിത്രത്തെ പ്രശംസിച്ച് നടനും സംവിധായകനുമായ നാദിര്ഷാ. സിനിമ ഇഷ്ടപ്പെടാന് പ്രത്യേകിച്ച് വലിയ ബുദ്ധിയൊന്നും വേണ്ടെന്നും നിരൂപണങ്ങള് കണ്ടപ്പോള് കാണണോ എന്ന് സംശയിച്ചെന്നും നാദിര്ഷാ സമൂഹമാധ്യമത്തില് പങ്കുവച്ച കുറിപ്പില് പറഞ്ഞു.
മഹാവീര്യര് ഇന്നാണ് കണ്ടത്. സിനിമ ഇറങ്ങിയ ഉടനെ കാണണം എന്നു വിചാരിച്ചിരുന്നതാ അപ്പോഴാണ് ഇത് ബുദ്ധിയുള്ളവര്ക്കേ കണ്ടാല് മനസ്സിലാകൂ എന്ന് ആരോ ഒക്കെ നിരുപണം എഴുതി കണ്ടത് .അപ്പോള് പിന്നെ ഞാന് കാണണോ എന്നൊരു സംശയം.
പിന്നെ രണ്ടും കല്പിച്ച് ഇന്ന് പോയി കണ്ടു. എനിക്ക് ഇഷ്ടമായി. എബ്രിഡ് ഷൈനോട് വല്ലാത്ത ആദരവും തോന്നി. ഇതില് നിന്നും ഒരു കാര്യം മനസ്സിലായി ഈ സിനിമ ഇഷ്ടപ്പെടാന് പ്രത്യേകിച്ച് വലിയ ബുദ്ധിയൊന്നും വേണമെന്നില്ല. നാദിര്ഷ കുറിച്ചു.
നിവിന് പോളിയും ആസിഫ് അലിയും കേന്ദ്രകഥാപാത്രങ്ങളെ അവതരിപ്പിച്ച മഹാവീര്യര് ബുദ്ധിയുള്ളവര്ക്ക് കാണാന് സാധിക്കുന്ന ചിത്രം എന്ന രീതിയില് പ്രചരണങ്ങള് നടന്നിരുന്നു.