വിശാൽ വീണ്ടും പോലീസ് വേഷത്തിൽ എത്തുന്ന "ലാത്തി' എന്ന ചിത്രത്തിന്റെ ടീസർ പുറത്തിറങ്ങി. അഞ്ച് ഭാഷകളിലായി പുറത്തിറങ്ങുന്ന പാൻ ഇന്ത്യൻ ചിത്രത്തിന്റെ ടീസർ നവ മാധ്യമങ്ങളിൽ ശ്രദ്ധേയമായി.
എ.വിനോദ് കുമാർ സംവിധാനം ചെയ്യുന്ന ചിത്രം നിർമിക്കുന്നത് റാണാ പ്രൊഡക്ഷൻസാണ്. സത്യസന്ധനും ധീരനുമായ പോലീസുകാരന്റെ റോളിലാണ് വിശാൽ എത്തുന്നത്. സുനൈനയാണ് നായിക.
പീറ്റർ ഹെയ്ൻ ആക്ഷൻ കൊറിയോഗ്രാഫറായെത്തുന്ന ചിത്രത്തിന്റെ ടീസറിലും സംഘട്ടന രംഗങ്ങളക്കാണ് പ്രാധാന്യം നൽകിയിരിക്കുന്നത്. സെപ്റ്റംബർ 15ന് ചിത്രം തീയറ്ററുകളിൽ എത്തും.