പ്രണയാര്ദ്ദ നിമിഷങ്ങള് പങ്കുവച്ച് നടന് റംസാനും നടി പ്രിയ വാര്യറും. വിജയ് സേതുപതിയുടെ സൂപ്പര്ഹിറ്റ് ചിത്രം 96-ലെ കാതലെ കാതലെ എന്ന ഗാനത്തിനാണ് ഇരുവരും ചുവടുവയ്ച്ചിരിക്കുന്നത്.
ഒരു റൂമിനകത്ത് മാത്രമായി ചിത്രീകരിച്ചിരിക്കുന്ന വീഡിയോ ഇതിനോടകം വൈറലായി കഴിഞ്ഞു. വേറിട്ട രീതിയില് ആവിഷ്കരിച്ചിരിക്കുന്ന ഈ പ്രണയം ആരാധകരും ഏറ്റെടുത്തു കഴിഞ്ഞു.
അഡാർ ലവ് എന്ന ചിത്രത്തിലൂടെ മലയാളി പ്രേക്ഷകർക്ക് സുപരിചിതയായ നടിയാണ് പ്രിയ വാര്യർ. മലയാളിയായ പ്രശാന്ത് മാമ്പുള്ളി സംവിധാനം ചെയ്യുന്ന ഹിന്ദി ചിത്രം ശ്രീദേവി ബംഗ്ലാവ്, മലയാള സിനിമ 'ഇഷ്ക്' ന്റെ തെലുങ്ക് റീമേക്ക് എന്നിവയാണ് നടിയുടെ വരാനിരിക്കുന്ന പുതിയ പ്രോജക്ടുകള്.
ഡാൻസ് റിയാലിറ്റി ഷോയിലൂടെ ഏവരുടെയും ശ്രദ്ധയാകർഷിച്ച താരമാണ് റംസാൻ. ഈയടുത്തിറങ്ങിയ ഭീക്ഷ്മപർവ്വം എന്ന ചിത്രത്തിൽ റംസാൻ അഭിനയിച്ച പാട്ട് സൂപ്പർ ഹിറ്റ് ആയിരുന്നു.