പളനിയില്‍ വെച്ച് വിവാഹിതരായതിന്‍റെ ചിത്രം പുറത്തുവിട്ട് സംഗീത സംവിധായകൻ ഗോപിസുന്ദര്‍. നെറ്റിയില്‍ കുങ്കുമം ചാര്‍ത്തിയാണ് അമൃതയുള്ളത്. ഇരുവരും ഹാരം അണിഞ്ഞു നില്‍ക്കുന്നതും ചിത്രത്തിൽ കാണാം.
പളനി മുരുകന് ഹരോ ഹരോ എന്ന കുറിപ്പോടു കൂടിയാണ് ഗോപിസുന്ദർ ചിത്രം പങ്കുവച്ചിരിക്കുന്നത്. പച്ച നിറമുള്ള സാരിയിൽ അതി സുന്ദരിയായാണ് അമൃത നിൽക്കുന്നത്. മുണ്ടും ഷർട്ടുമിട്ട് അമൃതയെ ചേർത്തുപിടിച്ചിരിക്കുകയാണ് ഗോപി സുന്ദർ.
കഴിഞ്ഞ ദിവസം ഇരുവരും ഒന്നിക്കുന്ന ഒരു ആൽബത്തിന്‍റെ പ്രമോ പുറത്തുവിട്ടിരുന്നു. പ്രണയവും സ്‌നേഹവും പങ്കിടുന്ന വീഡിയോയാണ് ദൃശ്യത്തിലുള്ളത്. ഞങ്ങളുടെ ആദ്യത്തെ സിംഗിള്‍ വരുന്നു. ഞങ്ങളെ സ്‌നേഹിക്കുന്ന എല്ലാവരുടെയും പ്രാര്‍ഥനകളും ആശംസകളും കൂടെ വേണം.
പ്രിയപ്പെട്ട സദാചാരക്കാരെ എല്ലാ ബഹുമാനത്തോടുകൂടിയും പറയട്ടെ ഇത് നിങ്ങളുടെ വഴിയല്ല. നിങ്ങളുടെ വീക്ഷണങ്ങളെ പ്രകോപിക്കാനുള്ള ശ്രമമല്ല ഇത്. ഇത് നിങ്ങൾക്കു വേണ്ടി ഉള്ളതല്ല എന്ന് വിചാരിക്കണം. വീഡിയോ പങ്കിട്ട് ഗോപി സുന്ദര്‍ ഇങ്ങനെ കുറിച്ചിരുന്നു.
