മോഹൻലാലിനെ നായകനാക്കി നവാഗതരായ ജിബി, ജോജു എന്നിവർ സംവിധാനം ചെയ്യുന്ന ഇട്ടിമാണി മെയ്ഡ് ഇൻ ചൈനയുടെ ട്രെയിലർ പുറത്തുവിട്ടു. സംവിധായകർ തന്നെയാണ് സിനിമയുടെ തിരക്കഥ ഒരുക്കിയതും.
ഹണി റോസാണ് സിനിമയിലെ നായിക. അജു വർഗീസ്, ഹരീഷ് കണാരൻ, ധർമജൻ ബോൾഗാട്ടി, രാധിക ശരത്കുമാർ, അശോകൻ, സിദ്ധിഖ്, സലീം കുമാർ, കൈലാഷ്, കെപിഎസി ലളിത, വിവിയ, സ്വാസിക, അരിസ്റ്റൊ സുരേഷ്, ജോണി ആന്റണി എന്നിവരും സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു.
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് സിനിമ നിർമിക്കുന്നത്.