മോഹന്ലാല് ആദ്യമായി സംവിധാനം ചെയ്യുന്ന ചിത്രം ബറോസിന്റെ മേക്കിംഗ് വീഡിയോ പുറത്തുവിട്ടു. നിര്ദേശങ്ങള് നല്കിയും സീനുകള് ക്രമീകരിച്ചും സെറ്റില് ഓടി നടക്കുന്ന മോഹന്ലാലിനെയാണ് വീഡിയോയില് കാണാനാവുക. എവിടെയൊക്കെയാണ് ക്യാമറവെക്കേണ്ടെതെന്നും ഏത് ആംഗിളിലാണ് ഷോട്ടുകള് എടുക്കേണ്ടതെന്നും കൃത്യമായി പറഞ്ഞുകൊടുക്കുന്ന ഒരു സംവിധായാകനെയും അഭിനയിച്ചു കാണിക്കുന്ന ഒരു നടനെയും ദൃശ്യങ്ങളിൽ കാണാം.
സിനിമയില് ബറോസ് എന്ന ടൈറ്റില് കഥാപാത്രമായാണ് മോഹന്ലാല് എത്തുന്നത്. വാസ്കോഡഗാമയുടെ നിധി സൂഷിപ്പുകാരനാണ് ബറോസ്. നിധി തേടി ഒരു കുട്ടി ബറോസിന് മുന്നിലെത്തുന്നതാണ് ചിത്രത്തിന്റെ പ്രമേയം.വിദേശ നടി പാസ് വേഗ, ഗുരു സോമസുന്ദരം എന്നിവരും ചിത്രത്തിൽ സുപ്രധാന വേഷം കൈകാര്യം ചെയ്യുന്നുണ്ട്..
മൈഡിയര് കുട്ടിച്ചാത്തന് അണിയിച്ചൊരുക്കിയ ജിജോ പുന്നൂസാണ് ബറോസിന്റെ രചിയിതാവ്. ഛായാഗ്രഹണം സന്തോഷ് ശിവൻ, പ്രൊഡക്ഷൻ ഡിസൈനർ സന്തോഷ് രാമൻ. ആശിര്വാദ് സിനിമാസിന്റെ ബാനറില് ആന്റ ണി പെരുമ്പാവൂരാണ് ചിത്രം നിർമിക്കുന്നത്.