സംഗീതത്തിലൂടെ പ്രണയം പങ്കിട്ട് ഗോപി സുന്ദറും ഗായിക അമൃത സുരേഷും. ഇരുവരുടെയും ആദ്യത്തെ ആൽബത്തിന്റെ വീഡിയോയാണ് ഇപ്പോള് സമൂഹമാധ്യമങ്ങളില് വൈറലായിരിക്കുന്നത്. തൊന്താരവ എന്ന പേരില് പുറത്തിറക്കാനിരിക്കുന്ന സംഗീത ആൽബത്തിന്റെ പ്രമോ വീഡിയോ ഇരുവരും പുറത്തുവിട്ടു.
പ്രണയവും സ്നേഹവും പങ്കിടുന്ന വീഡിയോയാണ് ദൃശ്യത്തിലുള്ളത്. ഞങ്ങളുടെ ആദ്യത്തെ സിംഗിള് വരുന്നു. ഞങ്ങളെ സ്നേഹിക്കുന്ന എല്ലാവരുടെയും പ്രാര്ഥനകളും ആശംസകളും കൂടെ വേണം. പ്രിയപ്പെട്ട സദാചാരക്കാരെ എല്ലാ ബഹുമാനത്തോടുകൂടിയും പറയട്ടെ ഇത് നിങ്ങളുടെ വഴിയല്ല. നിങ്ങളുടെ വീക്ഷണങ്ങളെ പ്രകോപിക്കാനുള്ള ശ്രമമല്ല ഇത്. ഇത് നിങ്ങളുടെ കപ്പിലെ ചായ അല്ലെന്നും വിചാരിക്കണം. വീഡിയോ പങ്കിട്ട് ഗോപി സുന്ദര് കുറിച്ചു.