മമ്മൂട്ടി പ്രധാന കഥാപാത്രത്തിലെത്തുന്ന തെലുങ്ക് ചിത്രം ഏജന്‍റിന്‍റെ ടീസര്‍ പുറത്തിറങ്ങി. നാഗാര്‍ജ്ജുനയുടെ മകന്‍ അഖില്‍ അക്കിനേനി നായകനായി എത്തുന്ന ചിത്രം സംവിധാനം ചെയ്യുന്നത് സുരേന്ദര്‍ റെഡ്ഢിയാണ്.
ചിത്രത്തില്‍ പട്ടാള ഉദ്യോഗസ്ഥന്റെ വേഷത്തിലാണ് മമ്മൂട്ടി എത്തുന്നത്. ടീസറിന്‍റെ ആദ്യ പകുതിയില്‍ മമ്മൂട്ടിയാണ് നിറഞ്ഞാടുന്നത്. ചിത്രം പാന്‍ ഇന്ത്യന്‍ റിലീസ് ആയിട്ടായിരിക്കും എത്തുക. ഹോളിവുഡ് ത്രില്ലര്‍ ബോണ്‍ സീരിസില്‍ നിന്നും പ്രചോദനമുള്‍ക്കൊണ്ട് ഒരുക്കുന്ന ചിത്രമാണ് 'ഏജന്‍റ്.
സാക്ഷി വിദ്യയാണ് ചിത്രത്തില്‍ നായിക. വൈ.എസ്.രാജശേഖര റെഡ്ഡിയുടെ രാഷ്ട്രീയജീവിതം പ്രമേയമാക്കിയ 'യാത്ര' എന്ന ചിത്രത്തിലാണ് മമ്മൂട്ടി തെലുങ്കില്‍ അവസാനം അഭിനയിച്ചത്.
