മക്കള്ക്കൊപ്പം സമയം ചിലവഴിക്കുന്ന ചിത്രങ്ങളും വീഡിയോകളും പലപ്പോഴും പങ്കുവയ്ക്കുന്ന നടനാണ് ജോജു. മക്കള്ക്കൊപ്പം ആടിയും പാടിയും പലപ്പോഴും ജോജുവിന്റെ മക്കളും പ്രേക്ഷകരുടെ ഇഷ്ടതാരങ്ങളായി മാറിയിട്ടുണ്ട്.
ഇപ്പോള് മകള് പാത്തുവിനൊപ്പം നൃത്തം ചെയ്യാന് പഠിക്കുന്ന ജോജുവിനെയാണ് വീഡിയോയില് കാണാന് സാധിക്കുക. ഇഷാന്,ഇവാന്,സാറ എന്നിവരാണ് ജോജുവിന്റെ മക്കള്. ഇതില് പാത്തു എന്ന് വിളിപേരുള്ള മകള്ക്കൊപ്പമാണ് താരത്തിന്റെ പരിശീലനം.
മകള് കൃത്യമായി ചുവടുവെയ്ക്കുമ്പോള് ജോജു നോക്കി നില്ക്കുന്നതും ദൃശ്യത്തില് കാണാം. ചെറുതായി ചുവടുകള് വെയ്ക്കുന്ന ജോജുവിനെ എങ്ങനെയാണ് ഇത് ചെയ്യേണ്ടതെന്ന് കാണിച്ചു കൊടുക്കുകയും ചെയ്യുന്നുണ്ട് മകൾ. വീഡിയോയുടെ അവസാനം മകനും ഒപ്പം കൂടുന്നത് കാണാം.