സംസാരിക്കുന്ന വാക്കുകള് എപ്പോഴും ശ്രദ്ധയോടെ വേണമെന്ന് ഓര്മിപ്പിക്കുകയാണ് നടി മഞ്ജു വാര്യര്. സമൂഹമാധ്യമങ്ങളിലൂടെയാണ് താരം കുറിപ്പ് പങ്കു വച്ചത്. നിങ്ങളുടെ വാക്കുകള് എപ്പോഴും ശ്രദ്ധിക്കുക. ഒരിക്കല് പറഞ്ഞുപോയാല് പിന്നീട് ക്ഷമിക്കാന് മാത്രമേ കഴിയൂ, മറക്കാന് കഴിയില്ല. എന്നാണ് നടി കുറിച്ചിരിക്കുന്നത്.
ഒരു സ്വകാര്യ ചടങ്ങിൽ പങ്കെടുത്ത ചിത്രങ്ങൾ കൂടി പങ്കുവച്ചാണ് താരം കുറിച്ചത്. നടി പൂര്ണ്ണിമ ഇന്ദ്രജിത്തിന്റെ സ്റ്റെലിംഗില് അതീവ സുന്ദരിയായാണ് താരം പ്രത്യക്ഷപ്പെട്ടത്. പൂര്ണ്ണിമയുടെ ഉടമസ്ഥതയിലുള്ള പ്രാണയില് നിന്നുള്ള വസ്ത്രമാണ് മഞ്ജു ധരിച്ചിരിക്കുന്നത്.
40 വര്ഷം പഴക്കമുള്ള ബനാറസി സാരിയില് നിന്നാണ് ചുരിദാര് തയ്ചെടുത്തതെന്ന് പൂര്ണ്ണിമ പറയുന്നു. കാരറ്റ് ചുവപ്പ് നിറത്തിലുള്ള സാരി ഒര്ജിനല് സില്വര് സെറിയില് നെയ്തെടുത്താണെന്നും താരം പറഞ്ഞു.
മഞ്ജു വാര്യറുടെ വസ്ത്രധാരണ ശൈലി പലപ്പോഴും ഫാഷൻ പ്രേമികളുടെ മനം കവരാറുണ്ട്. വ്യത്യസ്തമായ വസ്ത്രങ്ങള് തിരഞ്ഞെടുത്ത് ട്രെൻറ് കൊണ്ടുവരാനും താരം ശ്രമിക്കാറുണ്ട്. അജിത് നായകനാകുന്ന വലിമൈ എന്ന തമിഴ് ചിത്രത്തിലാണ് മഞ്ജു ഇപ്പോള് അഭിനയിക്കുന്നത്. ലളിതം സുന്ദരം,മേരി ആവോ സുനാ, ജാക്ക് ആന്ഡ് ജില് തുടങ്ങിയവയാണ് അടുത്ത് പുറത്തിറങ്ങിയ മഞ്ജു വാര്യര് ചിത്രങ്ങള്.