മോഹന്ലാല്-പൃഥ്വിരാജ് കൂട്ടുകെട്ടില് പുറത്തിറങ്ങിയ ലൂസിഫര് തെലുങ്ക് റീമേക്ക് 'ഗോഡ്ഫാദര്' സിനിമയുടെ ടീസർ പുറത്തിറക്കി. ചിരഞ്ജീവി നായകവേഷത്തിലെത്തുന്ന ചിത്രത്തിന്റെ ഇന്ട്രൊ സീനാണ് പുറത്തുവിട്ടത്. തമിഴ് സംവിധായകന് മോഹന്രാജ(ജയം രാജ)യാണ് തെലുങ്കില് ചിത്രം സംവിധാനം ചെയ്യുന്നത്.
മഞ്ജു വാര്യര് അവതരിപ്പിച്ച പ്രിയദര്ശിനിയെ തെലുങ്കില് നയന്താരയാണ് അവതരിപ്പിക്കുക. കൊനിഡേല പ്രൊഡക്ഷന് കമ്പനിയും മെഗാ സൂപ്പര് ഗുഡ് ഫിലിംസും ചേര്ന്നാണ് ചിത്രം നിര്മിക്കുന്നത്. എസ്. തമന് ആണ് ചിത്രത്തിന് സംഗീത സംവിധാനം നിര്വഹിക്കുന്നത്. സത്യദേവ് കഞ്ചരണയാണ് മറ്റൊരു പ്രധാനവേഷത്തിലെത്തുന്നത്. ഛായാഗ്രഹണം നിരവ് ഷാ. പുരി ജഗന്നാഥ്, നാസര്, ഹരീഷ് ഉത്തമന്, സച്ചിന് ഖഡേക്കര് എന്നിവരാണ് മറ്റ് പ്രധാന താരങ്ങള്.