തനിച്ചാകുന്ന ഒരു പെണ്ണ് നേരിടേണ്ടി വരുന്ന പരീക്ഷണങ്ങൾ തുറന്നുകാട്ടുന്ന ഷോർട്ട്ഫിലിം "റൂഹാനി' ശ്രദ്ധ നേടുന്നു. മാധ്യമപ്രവർത്തകൻ ലിജിൻ കെ. ഈപ്പനാണ് ചിത്രത്തിന്‍റെ രചനയും സംവിധാനവും നിർവഹിച്ചിരിക്കുന്നത്. പാട്ടുപെട്ടി മ്യൂസിക്കൽ എന്ന യൂട്യൂബ് ചാനലിലൂടെ റിലീസ് ചെയ്ത റൂഹാനി പെൺ സ്വാതന്ത്ര്യത്തിന്‍റെ പുതിയ അധ്യായം കുറിക്കുകയാണ്.
ചിത്ര ബാബു ഷൈനാണ് ടൈറ്റിൽ കഥാപാത്രമായി ചിത്രത്തിൽ എത്തുന്നത്. സാജിദ് റഹ്മാൻ, ആശാരാജ്, പ്രദീപ് ഗോപി, ജെവിൻ കോട്ടൂർ, മനോജ് ഉണ്ണി, ഷിജോ പൊൻകുന്നം, മഹേഷ് പിള്ള, സിജു സി. മാത്യു എന്നിവരാണ് മറ്റു കഥാപാത്രങ്ങളായി ചിത്രത്തിൽ എത്തുന്നത്.
അമേച്ചി എന്‍റർടെയ്ൻമെൻസും ഡ്രീം റീൽസ് പ്രൊഡക്ഷൻസും ചേർന്നു നിർമിച്ചിരിക്കുന്ന ചിത്രത്തിനു ഛായാഗ്രഹണവും എഡിറ്റിംഗും വിനീത് ശോഭനും സൗണ്ട് റിക്കോർഡിംഗും മിക്സിംഗും ശ്രീജേഷ് ശ്രീധരൻ നിർവഹിച്ചിരിക്കുന്നു. സജിത്ത് ശങ്കറാണ് ചിത്രത്തിന്‍റെ പശ്ചാത്തല സംഗീതം ഒരുക്കിയിരിക്കുന്നത്.
