ജോഷിയുടെ സംവിധാനത്തിലൊരുങ്ങിയ പൊറിഞ്ചു മറിയം ജോസിന്റെ ട്രെയിലർ പുറത്തുവിട്ടു. ചെമ്പൻ വിനോദ്, നൈല ഉഷ, ജോജു ജോർജ് എന്നിവരാണ് സിനിമയിൽ പ്രധാനകഥാപാത്രങ്ങളെ അവതരിപ്പിക്കുന്നവർ.
2015ൽ മോഹൻലാലിനെ നായകനാക്കി ഒരുക്കിയ ലൈല ഓ ലൈല എന്ന സിനിമയ്ക്കു ശേഷം ജോഷിയുടെ സംവിധാനത്തിലൊരുങ്ങുന്ന ചിത്രമാണിത്. അഭിലാഷ് എൻ. ചന്ദ്രന്റേതാണ് തിരക്കഥ. കീർത്തന മൂവീസിന്റെ ബാനറിൽ റെജി മോനാണ് ചിത്രം നിർമിക്കുന്നത്.