സോമൻ അമ്പാട്ട് സംവിധാനം ചെയ്ത അഞ്ചിൽ ഒരാൾ തസ്കരന് മൂന്ന് പുരസ്കാരം. സത്യജിത്ത് റേ ഗോൾഡൻ ആർക്കിന്റെ മൂന്ന് അവാർഡുകളാണ് ചിത്രത്തിന് ലഭിച്ചത്.
ചിത്രത്തിന് മികച്ച ഫാമിലി ത്രില്ലർ പുരസ്കാരവും ചിത്രത്തിലെ നായകൻ സിദ്ധാർഥ് രാജന് മികച്ച പുതുമുഖ നായകനുള്ള പുരസ്കാരവും സംഗീത സംവിധായകൻ അജയ് ജോസഫിന് മികച്ച പുതുമുഖ സംഗീത സംവിധായകനുള്ള പുരസ്കാരവും ലഭിച്ചു.
ജയശ്രീ സിനിമാസിന്റെ ബാനറിൽ പ്രതാപൻ വെങ്കടാചലം, ഉദയശങ്കർ എന്നിവർ ചേർന്നാണ് ചിത്രം നിർമിച്ചിരിക്കുന്നത്. ഇന്ദ്രൻസ്, രൺജി പണിക്കർ, കലാഭവൻ ഷാജോൺ, ഹരീഷ് കണാരൻ, ഹരീഷ് പേരടി, ശിവജി ഗുരുവായൂർ, സാജു നവോദയ, അരിസ്റ്റോ സുരേഷ്, നീന കുറുപ്പ്, അംബിക, കുളപ്പുള്ളി ലീല, മീനാക്ഷി മഹേഷ് തുടങ്ങി വൻ താരനിര ചിത്രത്തിലുണ്ട്.