ബംഗളൂരു രാജ്യാന്തര ചലച്ചിത്രമേളയിൽ ഇന്ത്യൻ മത്സരവിഭാഗത്തിൽ മികച്ച ചിത്രത്തിനുള്ള അവാർഡ് മലയാളചിത്രം 'മേപ്പടിയാൻ' നേടി. വിഷ്ണു മോഹൻ എഴുതി സംവിധാനം ചെയ്ത ചിത്രത്തിൽ ഉണ്ണി മുകുന്ദനാണ് കേന്ദ്ര കഥാപാത്രം. നൂറിൽപരം ചിത്രങ്ങൾ ഈ മത്സരവിഭാഗത്തിൽ ഉണ്ടായിരുന്നു.
ജനുവരി 14നു തീയറ്ററുകളിലെത്തിയ മേപ്പടിയാൻ മികച്ച വിജയം കൈവരിക്കുകയും പ്രേക്ഷക പ്രശംസ പിടിച്ചുപറ്റിയ വാർത്തകളിൽ നിറഞ്ഞുനില്ക്കുകയും ചെയ്തിരുന്നു.
ആമസോൺ പ്രൈമിൽ ഫെബ്രുവരി 18നു റിലീസ് ആയപ്പോൾ മുതൽ അന്യഭാഷാ നിരൂപകരുടെയും പ്രേക്ഷകരുടെയും പ്രശംസ നേടിവരുമ്പോഴാണ് ഇരട്ടി മധുരമായി അവാർഡും ലഭിക്കുന്നത്.