സോമൻ അമ്പാട്ട് കഥയെഴുതി സംവിധാനം ചെയ്യുന്ന അഞ്ചിൽ ഒരാൾ തസ്കരൻ എന്ന ചിത്രത്തിൽ ഇന്ദ്രൻസ് സ്വാമിയായി എത്തുന്നു. ഉടൻ റിലീസ് ചെയ്യുന്ന ചിത്രത്തിൽ തികച്ചും സസ്പെൻസ് നിറഞ്ഞ കഥാപാത്രമാണ് ഇന്ദ്രൻസിന്റേത്. പ്രതാപൻ വെങ്കിടാചലം നിർമിക്കുന്ന ചിത്രത്തിന്റെ തിരക്കഥ, സംഭാഷണം ജയേഷ് മൈനാഗപ്പള്ളിയുടേതാണ്.
രൺജി പണിക്കർ, കലാഭവൻ ഷാജോൺ, പുതുമുഖം സിദ്ധാർഥ് രാജൻ, ഹരീഷ് പേരടി, ശിവജി ഗുരുവായൂർ, ഹരീഷ് കണാരൻ, പാഷാണം ഷാജി, തിരു. സുബ്രഹ്മണ്യൻ ബോൾഗാട്ടി, അരിസ്റ്റോ സുരേഷ്, ശ്രവണ, അംബിക, സാധിക വേണുഗോപാൽ, നീനാ കുറുപ്പ്, കുളപ്പുള്ളി ലീല തുടങ്ങിയ വലിയ താരനിര ചിത്രത്തിലുണ്ട്.