സിനിമാ ലോകത്തെ ചതിക്കുഴികളുടെ കഥ പറയുന്ന സിനിമയായ യൂ ദാസിന്റെ ചിത്രീകരണം ആരംഭിക്കുന്നു. സിനിമയുടെ വെള്ളിവെളിച്ചത്തിലേക്ക് കടന്നുവന്ന പ്രദീപ് എന്ന സാധാരണക്കാരനായ ചെറുപ്പക്കാരന്റെ വളർച്ചയിൽ അസൂയ പൂണ്ടവർ ഒരുക്കുന്ന ചതിക്കുഴികളുടെ കഥയാണ് ചിത്രം പറയുന്നത്.
9 കെ.കെ.റോഡ്, ഒരു നല്ല കോട്ടയംകാരൻ എന്നീ ചിത്രങ്ങൾക്ക് ശേഷം യേശു സിനിമാസിന്റെ ബാനറിൽ സൈമൺ കുരുവിളയാണ് കഥയെഴുതി ചിത്രം സംവിധാനം ചെയ്യുന്നത്. മലയാളത്തിലെ പ്രമുഖ താരങ്ങൾ ചിത്രത്തിന്റെ ഭാഗമാകും.