രാജേഷ് കണ്ണങ്കര സംവിധാനം ചെയ്ത മിർച്ചി മസാല എന്ന വെബ്സീരീസ് ഇതിനോടകംതന്നെ കാഴ്ചക്കാരിൽ ആവേശഭരിതമായ പ്രതികരണവുമായി മുന്നേറുകയാണ്. പ്രവീൺ പുളിക്കമാരിൽ ആണ് നിർമിച്ചിരിക്കുന്നത്.
നീസ് ട്രീം എന്ന ഒടിടി പ്ലാറ്റ്ഫോമിലാണ് മിർച്ചി മസാല റിലീസായത്.മെട്രോ നഗരത്തിൽ ജീവിതം ആർഭാടമാക്കി ഉല്ലസിച്ചു കഴിയുന്ന നാല് പെൺകുട്ടികളിലൂടെയാണ് കഥ നീങ്ങുന്നത്. വ്യത്യസ്ത ജീവിത സാഹചര്യങ്ങളിൽ നിന്നു നാഗരികതയിലേക്ക് ചേക്കേറി എല്ലാ കെട്ടുപാടുകസ്വതന്ത്രമായി ജീവിക്കുകയാണ് ഇവർ.അരുതാത്ത സംഭവവികാസങ്ങൾ ഇവരുടെ ജീവിതത്തിൽ ഉണ്ടാകുന്നതും തുടർന്നുണ്ടാകുന്ന അന്വേഷണാത്മകമായ ഗതിവിഗതികളുമാണ് വെബ്സീരീസ് പറയുന്നത്.
സജീഷ് നാരായണന്റെ കഥയ്ക്കു തിരക്കഥ അനി ബാബു നിർവഹിച്ചിരിക്കുന്നു. സച്ചു ഛായാഗ്രഹണവും ഹാഷിം ചിത്രസംയോജനവും നിർവഹിക്കുന്നു.
ജയൻ ചേർത്തല, പ്രവീൺ പുളിക്കമാരിൽ, അഖിലേഷ്, സജിനാ ഫിറോസ്, ലക്ഷ്മി സുരേന്ദ്രൻ എന്നിവരെക്കൂടാതെ പുതുമുഖ താരങ്ങളും അഭിനയിക്കുന്നു.