ബ്രോ ഡാഡിയുടെ എഴുത്ത് ഓർമ്മകൾ പങ്കുവച്ച് പൃഥ്വിരാജ്. റോഡിൽ വണ്ടി നിർത്തി, എന്തൊ എഴുതുന്ന ചിത്രമാണ് പൃഥ്വി സോഷ്യൽ മീഡിയയിൽ പോസ്റ്റ് ചെയ്തിരിക്കുന്നത്. താഴെ അടിക്കുറിപ്പിൽ, "റോഡിന് നടുവിൽ വച്ച് പ്രചോദനം ലഭിക്കുമ്പോൾ നിങ്ങൾ വണ്ടി നിർത്തും, എഴുതും. ബ്രോ ഡാഡി ദിനങ്ങൾ," എന്നും കുറിച്ചു.
'ബ്രോ ഡാഡി' ചിത്രം ഒടിടി റിലീസ് ആകുമെന്നാണ് റിപ്പോർട്ട്. ചിത്രത്തിൽ മോഹൻലാലിന്റെ മകന്റെ കഥാപാത്രത്തെ പൃഥ്വിയാണ് അവതരിപ്പിക്കുന്നത്. കൂടാതെ ചിത്രത്തിൽ മീന, കനിഹ, കല്യാണി പ്രിയദർശൻ, ലാലു അലക്സ്, ജഗദീഷ്, സൗബിൻ എന്നിങ്ങനെ വമ്പൻ താരനിരയാണ് അണിനിരക്കുന്നത്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്.