സിബിഐ അഞ്ചാം സിരീസ് ചിത്രത്തിന്‍റെ സെറ്റിൽ ജോയിൻ ചെയ്‌തതായി അറിയിച്ചുള‌ള മമ്മൂട്ടിയുടെ വീഡിയോ ഏറ്റെടുത്ത് ആരാധകർ.
സെറ്റിലെത്തി എല്ലാവരോടും നസ്കാരം പറയുന്നതും സംവിധായകൻ കെ.മധു, തിരക്കഥാകൃത്ത് എസ്.എൻ സ്വാമി മറ്റ് അണിയറ പ്രവർത്തകർ എന്നിവർക്കൊപ്പം ഇരിക്കുന്നതുമായ വീഡിയോ പിന്നണിയിൽ സേതുരാമയ്യരുടെ ബിജിഎമ്മിന്‍റെയൊപ്പമാണ് മമ്മൂട്ടി ഷെയർ ചെയ്‌തിരിക്കുന്നത്.
രഞ്ജി പണിക്കർ, സായികുമാർ, രമേഷ് പിഷാരടി, ആശ ശരത്ത് തുടങ്ങിയ പ്രമുഖരെല്ലാം അണിനിരക്കുന്ന ചിത്രത്തിന്‍റെ ഷൂട്ടിംഗ് ദിവസങ്ങൾക്ക് മുൻപേ തുടങ്ങിയിരുന്നു. മമ്മൂട്ടി ഇന്നാണ് സിനിമയിൽ ജോയിൻ ചെയ്തത്.
